7天的香港之行,說不上滿足說不上有遺憾。(我又冇食到九記啦(大叫>>>)
第一日,匆匆忙忙,天氣極度炎熱,在東鐵線上成個人就好似畀火燒...仲有一堆行李
在這次7日暴走之行,最記得就係同香港朋友仔出去。其實我覺得,我地可能都因為網絡先相識,去到一個好熟又唔係特別熟嘅地方,同呢個好朋友到處去真係好有趣!
媽媽成日同我講,要小心識朋友唔好約人出去求其約人(好啦我係好有計畫,唔係隨便)
第一次係同糕糕出去
呢日簡稱MLA之行
目的範圍是中環!! 首先去左HMV,講實話,好~耐~冇~行~過~CD~鋪!!!
真咖!!!
雖然我係齋行唔買(因為前排買得有點多
然後去左一間經推薦好有意思嘅小店,都算係個工作室。好多童話繪本坐埋任睇,正!(下次有機會要睇下這店的精品
Alazizi Artventureland (13th Floor,Lee Roy Commercial Buliding,57-59 Hollywood Road,Central,Hong Kong)
在找藍白紅牆壁的之前,行過鴨巴甸街經過handmade小店 Mushroom
中環堅多斜坡,又大又斜,行到人都癲.....
好唔容易行到藍白紅啦hahahahaha(癡線腦殘粉咁款。
狂影相然後上google search穩專輯封面睇角度 勁kai囉- -
好在冇乜人啫!
(在鴨巴甸街和士丹頓街交界啊親們)
然後去都爹利街俗稱煤氣街(TVB經典場景囉!
嗰間香港特色嘅starbucks
我覺得香港sb平好多囉...(定係我價值觀出錯??
然後po相上微博,個個問我點解sb有蛋撻
....‘我鬼知咩!’
然後去到尖沙咀 見到出站資訊 有個九龍公園我就忍唔住哼“我喜歡九龍公園游泳池...”(跟住畀糕糕話我係腦殘粉(我真心唔係囉!!!強烈澄清啊
話說經過金鐘時...我又哼起給金鐘地鐵站車廂內的人.........- -
過兩日去左Panda-a-Panda 居然冇發癲真係快啲恭喜我啦XDD(其實係同親戚出去有壓力,,,唔可以畀人知我咁喪LOL
YEAH!!寫到20號啦!又係同frd出去,隨我去自己中意嘅地方><
是日活動地點旺角同油麻地~
今日見Vien,好開心,佢仲話想嚇我hiahiahia嚇唔到wor!(幼稚!....
等佢帶路帶我去油麻地聖地!!!!百老匯電影中心同Kubrick!!!!!我愛Kubrick愛到發狂啊><好正啊成個環境我真心想住呢度...(住駿發花園的你們其實很幸福
仲見到油麻地警署,又係TVB經典場景啊~
我去到Kubirck完全超投入咁睇書穩書,好中意kubrick啊點算!!!!!!(此人已癲,小心!)
最衰我打電話畀Reko時佢冇接@@(結果係去左石峽尾唔知搞乜LOL
而且好似話 Vien見到林二汶從Kubrick出...我完全冇知覺- -
然後想買份下環報,結果都係英文,而且我買翻去唔一定睇就算拉
入左<腹稿>同今期字花:)
其實我想買鄧小樺本書,可惜剩最後一本,充滿歲月的痕跡...過幾日先入貨(今日在書展也見到了,我還是冇買...怕買太多自己睇唔切,不捨得把那麼多書堆起
隨後經過果欄各種打鬥場面在腦海中浮現...
一直走一直走 走到何文田嗰邊,有條寵物街(應該是勝利道 如果沒有記錯)
見到好多可愛的貓貓狗狗,啲狗仔係咁打黎打去XDD好可愛啊
不過我見到寵物上寫住低價銷售,有些少難過...然後靜默了一刻繼續行,然後跟vien道別之後自己回去
之後Reko又打翻黎話翻到油麻地了可以見下,時間不多長說短說半小時,佢同我講最近嘅計畫,老朋友啦,飲罐汽水傾下計就好足夠:)
之後便一個人坐上了雙層巴士,比起快嘅輕鐵,我更喜歡香港的巴士,無論紅Van還是雙層巴士,更或者叮叮。我覺得,每個站停靠,都可以令自己沉澱一下一天的奔波,沿途的風景就算不太美也可慢慢欣賞這個城市的一切,雖然司機開車快...
很遺憾,我要去欽州街結果去左總站南昌鐵路站,我和車上的另一乘客望了一望,我估,佢都係搭錯左吧
最後就往地鐵去..(唯有係咁啦@_@
然後早早休息,準備書展搏殺...
9點半,又與糕糕相約,二姨帶我去飲早茶,點好多野,避免浪費然後我們飽上心口...
一到灣仔站就感覺到氣氛...逼
但係逼得黎唔似內地!!
我地咁搏命其實都係為左見下個作家攞翻個簽名咋(其實行為有些迷妹XDD有人一齊就得啦
入場第一時間殺去三聯嘅攤位!!!!!好鬼靚啊 最有sense的攤位,與I'm Perfect的合作 超正
真愛粉買多本蜂蜜綠茶了....其實係為左簽名籌...(我唔係腦殘粉囉都話!!
然後畀家姐識破話:你有咖,做咩買多本,曬錢(真愛粉默默拭淚..- -
然後小克哥本書...真心真材實料啊!!
重到呢...(攤手)
兩個簽名籌都得到,任務幾乎算完成了!!!
然後個個攤位逛,不亦樂乎
書癡表示很激動XD
然後好不容易快到一點,我同糕糕就準備就緒去到簽名B區
見到chocolate rain,我明明記得佢好似係2點先簽,最後證明自己記錯...亂“sao”之際,原來何生就在後面= =嚇死人咩!!!!!
仲打招呼,佢拉行李箱,我以為佢去完旅行翻黎即刻簽名噗
結果係將肉肉折埋放入面TAT好殘忍!!!藏屍案啊大佬
佢就位之後突然唔知去邊,結果呢,發現佢換左間浴衣出黎,我瞬間噗聲大笑!sorry真心忍唔住......
然後同糕糕默默吐槽,其實又好大聲XD
然後我發現之前企我地旁邊嘅係葉文輝d師奶阿姨fans....好得人驚!!!!
完全唔知係咩,恕我冇文化...
然後好奇何生係唔係有默默咁計畫
至於我地嘅具體點講,唔講住哈哈哈哈哈哈哈哈哈哈哈哈哈
這是我們之間的秘密!
ps.希望人多d...如果唔係好心酸......
放心啦,我也會努力的:)
然後就hea了一段時間,就趕去小克度。
講實話,唔係幾緊張啊...
可能排得前,然後糕糕話咁樣就冇緊張嘅感覺。I think so
然後見佢副串嘴樣好好笑:DDD
又默默吐槽
糕糕之前一直話想打坐合照,結果都唔會問咖啦!(小克話齋:睬你都有味!XDDDDD
不過之後就一直話,唔知點解每次同小克合照都特別唔好睇(跟住糕糕又真相了...話:因為你特別care(真愛粉身份又再暴露XDDD
結果一日落黎 成身散架咁款TAT
都冇力氣去DN了.....又睇唔到live painting係唔係無緣咁解啊!!!唔好啊QAQ...
但今日總的來說都是開心的,沒有什麼遺憾
是真的
這7天都很開心.
其實都因為有你們這班香港朋友仔,還有我喜愛的事物:)
很感謝糕糕,你帶我去了那麼多美好的地方^^
還有vien,同我肆無忌憚咁吹水
Reko,老朋友唔使講咁多咖!
娜娜!!!雖然你在石峽尾返工,但見你好似都加班疲憊不堪,所以不忍叫你出來,下次吧,下次一定有機會!!或者下次去北角穩你:)
各種感謝多位香港朋友仔,很感激是真的
還有那些親愛的偶像們,雖然我鐘意吐槽你地,但...都係因為有真心對待吧
(這算理由嗎XD)
香港確實是更適合旅遊
所以一有機會我就會再來啦:))))
等我,一定有下次的。
讓我留住這份美
See You Next Time.:)
留言列表